Телеграм группа «Shoira Ramazanovna | Psixolog»
1023
30
1
-
01:31
Шоира Рамазоновна 👑▪️sixologiyada “kuniga bir soat” degan tushuncha bor. 🧕Agar inson har kuni atigi bir soatini o‘ziga muhim bo‘lgan biror narsaga — yangi bilim o‘rganishga, kitob o‘qishga, til o‘rganishga yoki tanasini chiniqtirishga sarflasa, vaqt o‘tishi bilan u albatta natijaga erishadi. 🧕 Buning uchun alohida iste’dod yoki mukammal sharoit ham shart emas. 🐚Chunki ishonch, chin istak va muntazam harakat ko‘pincha iste’dod, imkoniyat va sharoitdan ham kuchliroq bo‘ladi. Bugun bir soat.⌛️ Ertaga yana bir soat.⌛️ Va bir kun kelib, kechagi o‘zingizdan qanchalik uzoqlashganingizni ko‘rasiz. 😀 O‘sish nuqtasi — katta o‘zgarishlarni kutish emas, har kuni o‘zingiz uchun bir qadam tashlashdir. ✨
-
Шоира Рамазоновна 👑
Суратга берилган изоҳни қуйида ўқиб чиқишингиз мумкин. Унутманг, сурат изоҳи тавсиявий характерга эга. Ундан ўзингиз учун ресурс олишингизга умид қиламиз. 1-сурат Баъзан муносабатларда бир инсон ичида сокин тўфонни яшириб юради. Ҳис-туйғуларини гапиришга қийналади, лекин бу севмаслигидан эмас, балки ниманидир ўзгартиришни истаганидандир. Бу сурат ёлғиз қолиш истаги, ички сокинлик ва кучини тиклаб олиш эҳтиёжи борлигини билдиради. Суратдаги сув оқимлари эса ҳис-туйғуларни янгилаш, қалбдаги оғирликлардан халос бўлиб, енгиллашиш истагини кўрсатади. Бу суратни танлаган қизларга тавсия: жуфтингиз билан мулойим сўзлашинг, бир-бирингизни тушунишга ҳаракат қилинг ва муносабатлар устида ишлаб, ҳақиқий уйғунликка эришинг. 2-сурат Баъзан муносабатларда ўзимизни боғланган, гўё «қафасда» ўтиргандек ҳис қилишимиз мумкин. Бу ҳолат эҳтимол, севги ва таянчга бўлган эҳтиёждан келиб чиқади. Бу сурат жуфтликлар ўртасидаги мустаҳкам алоқани, бир-бирига ёрдам ва кўмакни англатади. Эркак аёлга қийин дамларда таянч бўлиб, уни қўллаб-қувватлайди. Бу ришталарда чуқур ишонч бор. Аммо баъзида кимгадир кўпроқ масъулият юкланиши ҳам мумкин. Муносабатларда ҳақиқий уйғунлик — бир-бирини банд қилиш эмас, балки эркин ва енгил тарзда бир-бирини қўллаб-қувватлаш эканини унутманг. 3-сурат Агар сиз бу суратни танлаган бўлсангиз, ўйлаб кўринг: муносабатларингизда ҳис-туйғулар совиган ёки жуфтингиз билан узоқлашганмисиз? Бу, эҳтимол, ҳис-туйғулар аввалгидек ёрқин бўлмай қолганидан ёки орада айтилмаган гаплар ва ҳал этилмаган муаммолар борлигини кўрсатади. Ҳар қандай муносабатда қиш фаслига ўхшаш совуқлик даврлари бўлиши табиий. Аммо бу ҳаммаси тугади, дегани эмас. Қишдан кейин баҳор келади, асосийси — умидни йўқотмаслик керак. Агар икки томон яна бир-бирини тинглаб, тушунишга интилса, муносабатлар қайта гуллаши аниқ. 4-сурат Бу суратда йиллар ўтгани сайин кучайиб борган севгини кўриш мумкин. Меҳр, ҳурмат ва ўзаро тушунишга асосланган узоқ йиллик муносабатларнинг рамзи — бу сурат. Муносабат гулларга ўхшайди: доимий парвариш ва эътибор билан улар ҳаётни янада гўзаллаштиради. Унутманг, севги — фақат эҳтирос эмас, балки йиллар оша сақланадиган ва янада мустаҳкамланадиган туйғудир. Унинг ҳар бир босқичида бир-бирини тинглаш, қўллаб-қувватлаш ва қадрлаш муҳимлигини ёдингизда сақланг. 5-сурат Бу сурат эркак ва аёл ўртасидаги ўзаро тушуниш ва яқинликни ифодалайди. Аёл сув билан тасвирланган — бу унинг сезгир ва меҳрибон табиатини кўрсатади. Эркак эса ер сифатида кўрсатилган: унинг оилага асос ва устун эканини билдиради. Бошларини бир-бирларига суяшлари ўзаро тушуниш ва қўллаб-қувватлаш рамзи деб баҳоланиши мумкин. Агар сизга бу сурат чиққан бўлса, жуфтингизнинг хатоларини қидирмай, балки унинг кучли томонларини кўриб, уйғунликка эришишга ҳаракат қилинг. Ҳис-туйғу ва ақл ўртасида мувозанат ва ҳурмат бўлса, муносабатлар кучли ва бардавом бўлади. 6-сурат Сиз бу суратни танлаган бўлсангиз, муносабатларингизда нозиклик ва эҳтирос бўлишини истайсиз. Дераза ортидаги оппоқ қор ҳаётнинг силлиқ ва сокин оқимини, поклик ва сукунатни эслатади. Машина эса гўёки ташқи дунёдан ажратилган кичик макон — бу ерда фақат икки юрак, фақат муҳаббат ва ишонч мавжуд. Ҳақиқий муҳаббат оддийликда, ҳамфикрликда. Икки инсон ташқи шовқиндан узоқда, фақат бир-бирининг ёнида бўлиб, меҳр ва тинчликни ҳис қилса — мана шу чинакам бахтдир. Тавсиямиз: оддий, лекин меҳрга тўла лаҳзалардан завқланинг... 7-сурат Бу суратни танлаган бўлсангиз, жуфтингиз билан ўртангизда илиқ ва ғамхўр муносабат бор. Аҳамият беринг, суратда аёл эркакка ниманидир узатмоқда — бу меҳр, тушуниш ва ишончнинг оддий, лекин қадрли ифодасидир. Унутманг, муносабатларда бериш ва қабул қилиш мувозанати жуда муҳим. Бир-бирини қўллаб-қувватлаш, эътибор бериш ва самимий ёрдам кўрсатиш орқали икки қалб ўзаро янада яқинлашади ва муносабатлар янада мустаҳкамланади. 8-сурат Эътибор беринг, сиз танлаган суратда икки инсон ўртасидаги илиқ ва ҳаётбахш уйғунлик тасвирланган. Сув ва ўсимликлар улар атрофида ҳаёт кучини, ўсишни ва давомийликни англатади. Унутманг, ҳар бир муносабатда очиқлик, ҳалоллик ва эркинлик жуда муҳим. Ҳар ким ўзлигини йўқотмасдан, севгидан куч олиб, ўз орзулари билан яшаши керак. Қўллаб-қувватлаш ва эътибор — мана шу оддий, аммо қадрли фазилатлар муносабатларни ҳақиқий бахт манбаига айлантиради.